Afatet dhe objektet e deklarimit për zyrtarë të zgjedhur dhe nëpunës publike të cilët mbartin detyrim për deklarim, janë të përcaktuara shprehimisht në ligjin nr. 9049, datë 10.04.2003 “Për Deklarimin dhe Kontrollin e Pasurive, të Detyrimeve Financiare të të Zgjedhurve dhe të disa Nëpunësve Publikë” dhe në ligjin nr. 9367, datë 7.04.2005 “Për Parandalimin e Konfliktit të Interesave në Ushtrimin e Funksioneve Publike”.

- Zyrtarët, subjekte të ligjit, të sapoemëruar në detyrë, brenda 30 ditëve nga data e emërimit, duhet të plotësojnë dokumentin zyrtar, “Deklaratë e interesave private para fillimit të detyrës”, duke pasqyruar në të, të gjitha interesat private që ekzistojnë për vehte, bashkëshortin/en dhe fëmijët madhorë deri në ditën e fillimit të detyrës.

- Zyrtarët që mbartin detyrimin për deklarim, brenda datës 31 mars të çdo viti detyrohen të paraqesin dokumentin zyrtar “Deklaratë e interesave private periodik/vjetor”, duke pasqyruar në të vetëm ndryshimet e ndodhura në interesat private të deklaruara më parë, interesat e lindur gjatë vitit që deklarohet dhe çdo e ardhur e fituar gjatë gjithë vitit për të cilin bëhet deklarimi.

- Zyrtarët, subjekte të ligjit, të larguar nga detyra, brenda 15 ditëve nga ndërprerja e marrëdhënieve financiare, duhet të plotësojnë dokumentin zyrtar, “Deklaratë e interesave private Pas Largimit”, duke pasqyruar në të vetëm interesat private të shtuara ose të pakësuara nga deklarimi i mëparshëm deri në datën e largimit nga funksioni për vehte, bashkëshortin/en dhe fëmijët madhorë deri në ditën e largimit nga detyra.

Kundërvajtjet administrative
Në nenin 44, pika c) e ligjit nr.9367, datë 7.4.2005 parashikohet se:
“Çdo shkelje e detyrimeve të përcaktuara në këtë ligj, kur nuk përbën vepër penale, përbën kundërvajtje administrative dhe dënohet me gjobë, sipas kufijve të përcaktuar më poshtë: